Peter Jennings

මාධ්‍ය ලොව සුප්‍රසිද්ධ චරිත සොයා යන මේ ගමන අද නවතින්නේ ඇමරිකානු රූපවාහිනියේ වඩාත් හුරුපුරුදු මුහුණ අසල.ඔහු පීටර් චාර්ල්ස් ජෙනිංග්ස්. 1938 වර්ෂයේ ජූලි 29 දින කැනඩාවේ උපත ලැබුවා. පීටර්ගේ පියා ගුවන්විදුලි විකාශකයෙකු සහ කැනේඩියානු විකාශන සංස්ථාවේ (CBC) උප සභාපති, චාර්ල්ස් ජෙනින්ග්ස්. කුඩා පීටර් වයස අවුරුදු නවයේදී පියාගේ අඩිපාරේ යමින් Peter's people  නම් සතිපතා ළමා ගුවන්විදුලි වැඩසටහන මෙහෙයවන ලදී.වයස අවුරුදු 11දී පීටර් Trinity collage school ඇතුළත් වූ අතර ඔහුගේ පියාගේ රැකියාවේ කිසියම් වෙනසක් නිසා ලිස්ගාර් කොලෙජ් සඳහා මාරු විය. දහවන ශ්‍රේණියේදි ඉන් ඉවත් වූ ඔහු කාල්ටන් විශ්ව විද්‍යාලය, ඔටාවා විශ්ව විද්‍යාලයට ඇතුළත් වූ නමුත් උපාධිය අසාර්ථක වී ඇත.

1959 වසරේ පීටර්, බ්‍රොක්විල් හි කැනඩාවේ Royal Bank හි ටේලර්වරයෙකු ලෙස සේවය කරන අතරතුර ප්‍රාදේශීය ගුවන් විදුලි නාලිකාවක් වන CFJR විසින් නව ප්‍රවෘත්ති වාර්තාකරුවෙකු ලෙස බඳවා ගන්නා ලදී. 1961 මාර්තු මාසයේ රාත්‍රී ප්‍රවෘත්ති සම නිෂ්පාදනය සඳහා ඔටාවා හි නව රූපවාහිනී මධ්‍යස්ථානයක් වන CJOH-TV සම්බන්ධ විය.1962 වසරේ පීටර්, රාත්‍රී ප්‍රවෘත්තිවල සම නිවේදකයෙකු ලෙස ජාතියේ පළමු පුද්ගලික රූපවාහිනී ජාලය වන CTV සහ සම්බන්ධ විය.1964 වසරේ ABC නිව්යෝර්ක් ප්‍රවෘත්ති කාර්යාංශයට සම්බන්ධ විය. 1965 පෙබරවාරි 01 වන දින පීටර්ව විනාඩි 15ක රාත්‍රී ප්‍රවෘත්ති විකාශය වන Peter jennings with news හි නිවේදකයා බවට පත්කර මින්  26 හැවිරිදි පීටර් ඇමෙරිකානු ජාලයක ලාබාලතම ප්‍රවෘත්ති නිවේදකයා බවටද පත්කළේය.අත්දැකීම් වල අඩු බව නිසාවෙන් ඉතා දුෂ්කර කාලයක් ගත කළ ගත කළ පිටර් 1968 දී ප්‍රවෘත්ති මේසයෙන් ඉවත් ව විදෙස් වාර්තාකරුවෙකු බවට පත් වූ අතර මැදපෙරදිග ඇමෙරිකානු රූපවාහිනියේ පළමු ප්‍රවෘත්ති කාර්යාංශය ද පිහිටුවන ලදී.

1970 ගණන්වල පලස්තීන විමුක්ති සංවිධානයේ සභාපති යසර් අර්ෆත් සමග සම්මුඛ සාකච්ඡාවක් කරමින් පලස්තීන Black american organisation හි නැගීම ආවරණය කළ පළමු ඇමරිකානු රූපවාහිනී මාධ්‍යවේදියා පීටර් ජෙනින්ග්ස් ය. මෙම 1972 මියුනිච් ඔලිම්පික් උළෙලේ ප්‍රධාන ඇපකරුවන්ගේ අර්බුදය වැනි ප්‍රධාන සිදුවීම් ආවරණය  කරමින් ජෙනිංග්ස් ප්‍රසිද්ධියට පත් විය.1974 වසරේ ජනාධිපති අන්වර් සදාත්ගේ ජීවිකාව පිළිබඳ වැඩසටහන Sadat: Action Biography හි සම නිෂ්පාදකයා සහ ප්‍රධාන වාර්තාකරු විය.එමඟින් ඔහුගේ පළමු George Foster Peabody සම්මානය හිමිවිය. ජෙනින්ග්ස් ජාත්‍යන්තර මට්ටමේ සිදුවීම්  ගණනාවක් ආවරණය කිරීමට සමත් වීය. ඒ අතර, ඉරාන විප්ලවය සහ ඉන් පසුව ඇති වූ ප්‍රාණ ඇපකරුවන් සම්බන්ධ අර්බුදය, සදාත්ගේ ඝාතනය , ෆෝක්ලන්ඩ් යුද්ධය, ඊශ්‍රායලය  ලෙබනනය ආක්‍රමණය සහ 1983 දෙවන ජෝන් පෝලන්තයට ගිය සංචාරය ආදිය වේ.

ABC ජාලය විසින් 1983 අගෝස්තු 9 වන දින පීටර්ව වොෂින්ටනයට කැඳවනු ලැබුවේ සිව් අවුරුදු කොන්ත්‍රාත්තුවක් ප්‍රදානය කරමිනි.ඉන්පසු ඔහු නිව්යෝර්ක් සිට World News Tonight හි ⁣ ජ්‍යෙෂ්ඨ කතුවරයා සහ එකම නිවේදකයා ලෙස ක්‍රියාත්මක විය. වැඩසටහන තුළ විවිධ පැතිකඩයන් ගණනාවක් නිරූපණය කරමින් ජෙනින්ග්ස් වඩාත් හොඳින් දීර්ඝ කාලීනව සාර්ථකව ගමන් කළේය. World News Tonight ,ABC රූපවාහිනී සන්ධ්‍යා ප්‍රවෘත්ති විකාශයේ එකම නිවේදකයා ලෙස වසර 22 ක් ක්‍රියා කිරීමට ඔහු සමත් විය.  මාධ්‍ය ක්ෂේත්‍රය තුළ පෙරළියක් ඇති කළ පීටර් චාර්ල්ස් ජෙනින්ග්ස්  පෙනහළු පිළිකාවක් හේතුවෙන් 2005 අගෝස්තු 7 වන දින ජීවන ගමන නිමා කළේය. ඔහුගේ ජීවිත කාලය තුළ ඔහු George Foster Peabody Aword සහ  Emmy's සම්මාන 16ක් ලබා ගැනීමට සමත් විය. 2006 පෙබරවාරි 21 වන දින ABC ආයතනය පිහිටුවා ඇති කොටස නිව්යෝර්ක් නගරයේ නගරාධිපති මයිකල් බ්ලම්බර්ග් විසින් Peter jennings way ලෙස නම් කර ඇත.

Lester Holt

ලෝක ප්‍රසිද්ධ මාධ්‍යවේදීන් සොයා යන මෙම ගමන සඳහා පැමිණෙන්නේ ඇමරිකානු මාධ්‍යවේදී ලෙස්ටර් හෝල්ට් පිළිබඳවයි. සතියේ දිනවල රාත්‍රී ප්‍රවෘත්ති විකාශය තනිවම ගෙන ආ ප්‍රථම කළු ජාතික මාධ්‍යවේදියා ලෙස්ටර් හෝල්ට් ය. 1959 මාර්තු මස 8 වන දින ලෙස්ටර් දොන් හෝල්ට් ජූනියර් එක්සත් ජනපදයේ කැලිෆෝනියාවේ හැමිල්ටන් ගුවන් හමුදා කඳවුරේදී උපත ලැබීය. එය ඔහුගේ ජාතිකත්වය ඇමරිකානු බවට පත් කරයි. අප්‍රිකානු-ඇමරිකානුවෙක් වන ලෙස්ටර් දොන් හොල්ට් ඔහුගේ පියා වූ අතර මව ජැමෙයිකාවේ උපත ලද ජුනි ඩෙරොසාරියෝ ය.හෝල්ට් දරුවන් හතර දෙනෙකුගෙන් යුත් පවුලක බාලයා වූ අතර ඔහු හැදී වැඩුනේ කැලිෆෝනියාවේ මැරීන් ප්‍රාන්තයේ ය. ඔහුගේ බිරිඳ ප්‍රවීණ මාධ්‍යවේදිනියක් සහ ප්‍රවෘත්ති නිවේදිකාවක් වන කැරොල් හේගන් වේ.1982 විවාහ දිවියට පැමිණ, ස්ටෙෆාන් සහ කැමරන් හෝල්ට් ලෙස දරුවන් දෙදෙනෙකු සිටී.ඉන් ස්ටෙෆාන් තම පියාගේ අඩි පාරේ ගිය අතර දැන් මාධ්‍යවේදියෙක් සහ රූපවාහිනි ප්‍රවෘත්ති නිවේදකයෙකි.

1977 දී , Rancho හි පිහිටි Cordova උසස් පාසලෙන් උපාධිය ලබා කැලිෆෝනියා ප්‍රාන්ත විශ්ව විද්‍යාලයට සම්බන්ධ විය. 1979 ඉන් ඉවත් වීන් ප්‍රැන්සිස්කෝ ගුවන්විදුලි මධ්‍යස්ථානයක සේවය කළේය. වසර දෙකකට පසුව ඔහු නිව්යෝර්ක් නගරයේ WCBS-TV හි වාර්තාකරුවෙකු ලෙස ආරම්භ කරමින් CBS සමඟ වසර 19 ක වෘත්තීය ජීවිතයක් දියත් කරන ලදී. වසරකට පසුව ඔහු ලොස් ඇන්ජලීස් හි CBS අනුබද්ධ රූපවාහිනී නාලිකාව වන KNXT වෙත වාර්තාකරුවෙකු සහ ප්‍රවෘත්ති නිවේදකයෙකු ලෙස සම්බන්ධ විය. 1986 දී හෝල්ට් චිකාගෝ හි CBS මධ්‍යස්ථානය වන WBBM-TV සඳහා සන්ධ්‍යා පුවත් ගෙන එන ලද අතර 2000 වසරේ MSNBC සහ සම්බන්ධ වන තුරුම CBS හි සේවය කරන ලදී. එමෙන්ම හෝල්ට් CBS ප්‍රවෘත්ති විකාශය වන, '48  Hours' සඳහා දායක වූ අතර  "48 Hours : No place like home" ඔහුගේ කාර්යය  සඳහා '1990 Robert F.Kennedy Journalism සම්මානය දිනා ගත්තේය.

MSNBC දිනපතා ප්‍රවෘත්ති විකාශයේ හෝල්ට් විසින් 'Lester holt live' ගෙන එන ලදී. එහිදී ඔහු උණුසුම් පුවත්, යාවත්කාලීන කිරීම්, විශ්ලේෂණ කිරීම් ලබා දේ. හෝල්ට් MSNBC හි දිවා පුවත් විකාශය සහ විශේෂ විකාශනයේ ප්‍රධාන වාර්තාකරු ලෙස සේවය කොට ඇත. එමෙන්ම හෝල්ට් 2002 ඔක්තෝම්බර් සිට 2003 මාර්තු දක්වා  ඉරාක යුද්ධය හා සබැඳි 'Countdown Iraq' හි පුවත් වාර්තාකරු විය.තවද, ලෝකය තුළ උද්ගත වන කාලීන අර්බුදයන් ස්වභාවික ආපදා හමුවේ එහි පුවත් වාර්තාකරණයටද සංචාරය කළ හෝලට් සිය වෘත්තීය දිවිය සාර්ථකව ගත කොට ඇත.

2011 වසරේ dateline සඳහා ප්‍රධාන පුවත් වාර්තාකරු ලෙසද NBS දිවා පුවත් විකාශන ආදී පුවත් විකාශන ගනණාවකට සිය දායකත්වය සපයන ලද හෝල්ට් සම්මාන රසකටද පත්‍ර වීය. ඒ හරහා ඔහු ප්‍රසිද්ධියට පත් විය.එසේම 2016 වසරේ ඩිමොක්‍රැටික් පක්ෂයේ ජනාධිපති අපේක්ෂකයින්ගේ විවාදය සහ පළමු ජනාධිපති විවාදය ලෙස්ටර් විසින් මෙහෙයවීම ඔහුගේ වෘත්තීය ජීවිතයේ අමතක නොවන අවස්ථාවක් විය. රූපවාහිනී කතාමාලා කිහිපයකට සහ චිත්‍රපට කිහිපයකට ප්‍රවෘත්ති නිවේදකයෙකු ලෙස, රංගන ක්ෂේත්‍රයට පිවිසීමට ද ඔහු සමත් විය.ලෙස්ටර් හෝල්ට් ගෞරවනීය මාධ්‍යවේදියෙකි.ලොව මාධ්‍ය ක්ෂේත්‍රය තුළ ප්‍රසිද්ධ සහ දක්ෂතම මාධ්‍යවේදීන් අතර ලෙස්ටර් හෝල්ට් සිටීම අවිවාදිත ය.

LARRY KING

වර්ෂ 1933 නොවැම්බර් මස 19 වන දින උපත ලද ලෝරන්ස් හාවි සීගර් හෙවත් ලැරී කිං හැදී වැඩුණේ නිව්යෝර්ක් නගරයේ බෘක්ලින්හි ය. ඔහුගේ මව ජෙනී සීගර් ඇත්තලුම් සේවිකාවක් වූ අතර, ඔහුගේ පියා ඇරොන් සීගර් ආපනශාලා හිමිකරු සහ ආරක්ෂක කම්හල් සේවකයෙකු විය.කුඩා කිංට වයස අවුරුදු නවයේදී සීගර් මහතා හෘදයාබාධයකින් මිය ගියේය.ලෆායෙට් උසස් පාසලේ උපාධිය ලබා, ගුවන්විදුලියට බැදීමේ සිහිනයට පිවිසීමට වසර කිහිපයකට පෙර එහි රැකියාවක නිරත වෙමින් එහි රැඳී  සිටියේ සිය වැන්දඹු මවට උපකාර කිරීමට ය. වයස අවුරුදු විසිගනන්වල මුල් භාගයේදී නිව්යෝර්ක් සිට ෆ්ලොරිඩාවට ගිය කිංහට 1957දී මියාමි බීච් හි WAHR ගුවන්විදුලිය සේවකයෙකු ලෙස බැඳීමට අවස්ථාව හිමිවිණි.කල්යත්ම කළමණාකරු, කිං ව තැටි ජෝකියෙකු ලෙස සේවයට පත්කළේ සතිපතා ඩොලර් 50 ක වැටුපක් ද ලබාදෙමිනි. ලැරී කිං මියාමි බීච් හි පොම්පර්නික් අවන්හලේදී සම්මුඛ සාකච්ඡා පැවැත්වීය. එමෙන්ම එහි ඇතුළු වූ සෑම අයෙකු සමඟ ම කතා කළේය.ගායක බොබී ඩැරන් සමඟ ඔහුගේ පළමු සම්මුඛ සාකච්ඡාව වූ අතර එය කිං, මියාමි බීච් පුරා ප්‍රසිද්ධ චරිතයක් බවට පත් කළේය.

1978 දී THE LARRY KING SHOW ආරම්භ කරන ලදී. සම්මුඛ පරීක්ෂණ ස්වරූපයෙන් දිවෙන මෙය ආගන්තුකයා සමඟ පැයක සැසියක් ඇතුළත් වූ අතර තවත් පැයකින් අමුත්තන්ගෙන් ප්‍රශ්න ඇසීමට මිනිසුන් කැඳවන ලදී. 1985 වසරේ ලැරී කිං CNN සමඟ එක්ව LARRY KING LIVE සඳහා වැඩ අරඹන ලදී.  කීර්තිමත් පුද්ගලයින් සහ දේශපාලනඥයින් සමඟ එහි සම්මුඛ සාකච්ඡා පවත්වා ඇති අතර පෙරටත් ​​වඩා ප්‍රෙක්ෂක ආකර්ශනයක් ලබා ගැනීම සඳහා කිං මෙහිදී සමත් විය.1989 ඔහු ජාතික ගුවන්විදුලි ශාලාවට ඇතුළත් කර ඇත. විකාශන මාධ්‍යයට මෙන්ම කිං, ලිවීමටද දස්කමක් දක්වා ඇති අයෙකි. 2001 දක්වා USA TODAY හි තීරු ලිපියක් ද ලියා ඇත.

වසර 25 ක් පමණ වෘත්තීය දිවිය ගෙවූ කිං 2010 දී LARRY KING LIVE වෙතින් ඉවත් විය.නමුත් ලේඛකයකු සහ රූපවාහිනී පෞරුෂයක් ලෙස ක්‍රියාකාරීව සිටි ලැරී කිං 2021 වසරේ හුස්ම ගැනීමේ සංකූලතා වර්ධනය වීමෙන් පසු රෝහල් ගත කරන ලද අතර 2021 ජනවාරි මස 23 වන දින සෙප්සිස් නම් රෝගයෙන් පීඩා විඳ මිය ගියේ ය.

ලැරී කිං සතුව තිබුණේ ඔහුටම ආවේණික වූ සන්නිවේදන ශෛලියකි. ඔහු එමඟින් සිය වැඩසටහන පුරාවටම ප්‍රෙක්ෂකයා ඇද බැඳ තබා ගැනීමට සමත් වී ඇත.කිසිඳු දිනෙක පෙර සූදානමක් නොමැතිව වැඩසටහන ආරම්භ කිරීම සඳහා කවර තරාතිරමක පුද්ගලයෙකුට වුවද තම අදහස් ප්‍රකාශ කිරීම සඳහා පසුබට නොවීය. සම්මුඛ සාකච්ඡා 60,000කට අධික සංඛ්‍යාවක් පවත්වා ඇති මොහු අමරණිය මතක මාධ්‍ය ක්ෂේත්‍රයට එක් කළ දැවැන්තයකු ලෙස නම් කිරීම අගනේය.